Colombo Today Local News

බැඳුම්කරයට බොරු කිව්වට රවීට එරෙහි චෝදනා ගොනු කරන්න නීතිපති සුදානමින්

මහ බැංකු බැඳුම්කර කොමිසම හමුවේ අසත්‍ය සාක්ෂි ලබාදීම සම්බන්ධයෙන් අමාත්‍ය රවී කරුණානායක මහතාට එරෙහිව ඉදිරියේදී චෝදනා ගොනු කිරීමට අපේක්ෂා කරන බව නීතිපති දෙපාර්තමේන්තුව අද(30) කොළඹ මහේස්ත්‍රාත් අධිකරණයට දන්වා සිටියේය.

මහ බැංකු බැඳුම්කර කොමිසම හමුවේ අසත්‍ය සාක්ෂි ලබාදුන්නේ යැයි රවී කරුණානායක මහතා සම්බන්ධයෙන්  රහස් විසින් සිදුකරන පරීක්ෂණයට අදාළ පැමිණිල්ල අද කොළඹ ප්‍රධාන මහේස්ත්‍රාත් ලංකා ජයරත්න මෙනෙවිය ඉදිරියේ කැඳවනු ලැබීය.

එහිදී නීතිපතිවරයා වෙනුවෙන් පෙනීසිටි රජයේ නීතිඥ ලක්මිණී ගිරිහාගම මෙනවිය අධිකරණයට දන්වා සිටියේ මෙම සිද්ධියට අදාළ විමර්ශන අවසන් කිරීමෙන් පසුව අසත්‍ය සාක්ෂි ලබාදීම සම්බන්ධයෙන් රවී කරුණානායක මහතාට එරෙහිව චෝදනා ගොනු කිරීමට අපේක්ෂා කරන බවයි.

මෙම සිද්ධියට අදාළව ඉදිරියේදී රවී කරුණානායක මහතාගෙන් සහ ඔහුගේ දියණියගේ ප්‍රකාශ ලබා ගැනීමට සැලසුම් කර ඇතැයිද රජයේ නීතිඥවරිය දන්වා සිටියේය.

අනතුරුව පැමිණිල්ල ජුලි මස 29 වනදා කැඳවීමට නියම කළ ප්‍රධාන මහේස්ත්‍රාත්වරිය එදින එම කටයුතුවල ප්‍රගතිය වාර්තා කරන මෙන් රහස් පොලීසියට නියම කළේය.

Related posts

වළකට වැටී දරුවෙක් මිය යයි

Admin

නිවසක තනිව සිටි තරුණ බිරිඳක් අභිරහස් ලෙස මරුට

Admin

අලුත් පක්ෂය වෙනුවට සංසදයක්.. නායකයා මහින්ද.. සභාපති දිනේෂ්

colombotoday

සංස්කෘතික අරමුදලේ කෝටි දහසකට මොකද උනේ සොයා පරීක්ෂණයක්

Admin

“යහපාලනය” ගැන පාරම්බාන දඹර අමිල හිමි රාජ්‍ය මුදල් වංචාවක

colombotoday

ජනාධිපතිවරයා පොරොන්දු වූ පරිදි පෙට්‍රල් 82කින් අඩු කලයුතුයි

Admin