Colombo Today Local News

පුල්මුඩේ නිවසකින් බෝම්බ උපකරණ තොගයක් අල්ලයි… නිවසේ හිමිකරු පැන යයි…

පුල්මුඩේ ප්‍රදේශයේදී යුද හමුදාව විසින් සිදු කරන ලද සෝදිසි පරික්ෂාවකදී මුස්ලිම් ජාතිකයෙකුගේ නිවසේ තිබී ඩෙටනේටර්, සේවානූල් ඇතුළු බෝම්බ පිපිරවීමට යොදාගන්නා උපකරණ තොගයක් අද (02) උදෑසන අත්අඩංගුවට ගෙන ඇත.

වන්නි ආරක්ෂක සේනා ආඥාපති මේජර් ජෙනරල් කුමුදු පෙරේරා මහතාගේ උපදෙස් පරිදි අරඹා ඇති සෝදිසි මෙහෙයුම් වලදී 62 වන සේනාංකයේ 622 බලසේනාවේ 20 ගජබා රෙජිමෙන්තුවේ සෙබළුන් විසින් පුල්මුඩේ පොලිස් නිලධාරීන්ගේ සහ නාවික හමුදාවේද සහාය ඇතිව පුල්මුඩේ ප්‍රදේශයේ පුපුරණ සෝදිසි මෙහෙයුමක් අද උදෑසන දියත් කොට තිබූ අතර එහිදී මුස්ලිම් ජාතිකයෙකුගේ නිවසේ තිබී මෙම උපකරණ තොගය හමු වී ඇත.

එහිදී ඩෙටනේටර් 89ක්, සේවානූල් 32, ‍වෝටර් ජෙල් කියුබ් 8ක් සහ ඩෙටනේටර් චාර්ජස් 2ක් සොයාගත් උපකරණ වන අතර මෙම උපකරණ බෝම්බ පිපිරවීම සඳහා යොදාගන්නා බවට යුද හමුදාව පවසයි.

එහිදී අදාළ නිවසේ හිමිකරු වන ෆලීම් මොහොමඩ් මොහොමඩ් රිෂාබ් නැමත්තා මේ වන විට පළා ගොස් ඇති අතර ඔහු පුල්මුඩේ රෝහලේ ආරක්ෂකයෙකු වශයෙන් සේවය කර ඇති අතර එම සැකකරුගේ වැඩිමල් සොහොයුරු වන මෙයිනා මහම්මුදු මර්සුප් නැමත්තා යුද හමුදාව හා පොලීසිය විසින් මේ වනවිට අත්අඩංගුවට ගෙන ඇති අතර පළා ගොස් ඇති සැකකරු අත්අඩංගුවට ගැනීමට පුල්මුඩෙයි පොලීසිය පරික්ෂණයක් අරඹා ඇත.

අත්අඩංගුවට ගත් ඩෙටනේටර් ඇතුළු  උපකරණ තොගය පුල්මුඩේ පොලීසිය වෙතට භාර දීමට යුද හමුදාව විසින් පියවර ගෙන ඇත.

Related posts

සොයුරන් සිව් දෙනා රහසේ හමුවෙයි.. ජනාධිපති අපේක්ෂකයා ගැන අවසන් තීරණය ගනී…

colombotoday

අවුරුදු දින දෙකේදී රුධිරය පරිත්‍යාග කරන්නැයි රුධිර පාරවිලයන මධ්‍යස්ථානයෙන් ඉල්ලීමක්

colombotoday

ජාතික ලයිස්තුවට සමඟියේ අසමඟිය

Admin

සතොසත් සහල් අලෙවිය සීමා පනවයි

Admin

ජනාධිපතිවරණ ප්‍රහාරක සැලසුමක් පුළුල් විමර්ශන ඇරඹේ

Admin

සරුංගල් ආරවුලක් 16 හැවිරිදි සිසුවෙකුගේ අතක් වෙන්කර‍යි

Admin