ඓතිහාසික සීගිරිය, පිදුරංගල රජමහා විහාරස්‌ථානයේ පිදුරංගල පර්වතය මත සිට අඩ නිරුවත් ඡායාරූප ගෙන සමාජ ජාලා වෙත මුදාහැරිය තරුණයන් සොයා ඊයේ (25 වැනිදා) සීගිරිය පොලිසිය පරීක්‍ෂණ ආරම්භ කර ඇත.
තරුණ පිරිසක්‌ එම පර්වතය මත හිඳ සීගිරිය පර්වතය දෙසට මුහුණ පා තම ශරීරයේ පශ්චාත් කොටස නිරාවරණය කර ගෙන සිටි ඡායාරූප කිහිපයක්‌ පසුගියදා සමාජ ජාලා වෙත මුදාහැර තිබිණි
මෙම අශෝභන සිදුවීම පිළිබඳව සමාජ ජාලා මාධ්‍ය තුළ මෙන්ම සමාජය තුළද දැඩි කතා බහක්‌ ඇතිව තිබූ අතර පොලිස් ආඥ පනතට අනුව සහ අසභ්‍ය ප්‍රකාශන වැළැක්‌වීමේ සංශෝධිත පනත අනුව එම පුද්ගලයන්ට නීතිමය පියවර ගැනීමට හැකියාව පවතින බව සීගිරිය පොලිසය පවසයි.
සීගිරිය බලකොටුවක්‌ව පැවැති සමයේදී පිදුරංගල රහතුන් වහන්සේලා වැඩ සිටි ඓතිහාසික භූමියක්‌ බවට ඉතිහාසයේ දැක්‌වේ.