වසරක් සපිරුණු පාස්කු ඉරු දින බෝම්බ ප්‍රහාර මාලාව සම්බන්ධයෙන් පුද්ගලයන් 197 දෙනකු අත් අඩංගුවේ පසුවෙන බව පොලිස් මාධ්‍ය ප්‍රකාශක පොලිස් අධිකාරී ජාලිය සේනාරත්න මහතා පැවසීය.
අපරාධ පරීක්ෂණ දෙපාර්තමේන්තුව යටතේ පුද්ගලයන් 119 දෙනෙකු ත්‍රස්තවාදී විමර්ශන කොට්ඨාශය යටතේ පුද්ගලයන් 78 දෙනකු ද රඳවා ගෙන සිටින අතර එයින් සැකකරුවන් 92 නෙකුගෙන් රඳවාගෙන ප්‍රශ්න කරන බව පොලිස් අධිකාරිවරයා පැවසීය.
අපරාධ පරීක්ෂණ දෙපාර්තමේන්තුව විමර්ශන කණ්ඩායම 11ක් ද ත්‍රස්තවාදී විමර්ශන කොට්ඨාශයේ කණ්ඩායම් 3ක්ද ඊට අමතර ව අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශනය ඒකකය , සයිබර් අපරාධ විමර්ශන ඒකකය සහයත් ලබාගෙන තිබෙන අතර පරීක්ෂණ සඳහා නවීන තාක්ෂණය ද යොදා ගෙන ඇතැයි මාධ්‍ය ප්‍රකාශකවරයා වැඩිදුරටත් පැවසීය.