පාස්කු ප්‍රහාරය පිළිබඳ විමර්ශනය කෙරෙන ජනාධිපති කොමිසම ගෙන යන වැඩපිළිවෙළ ගැන සතුටු වෙන බව කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණෝ පවසති.
කොළඹ බෞද්ධ මහා සම්මේලනයේ දී මාධ්‍යවේදියෙක් ඇසූ ප්‍රශ්නයකට පිළිතුරු දෙමින් උන්වහන්සේ මේ බව සඳහන් කළහ.
ප්‍රශ්නය – සාධාරණයක් ඉටුවේවි යැයි ඔබ වහන්සේ විශ්වාස කරනවාද ?
අගරදගුරු හිමිපාණන් – “මම විශ්වාස කරනවා ඒ ගොල්ලෝ අවංකවම මේ කාරණාව හොයලා බලමින් කටයුතු කරනවා කියලා පේනවා”
ප්‍රශ්නය – ඔබ වහන්සේලා මේ කොමිසම ගැන ප්‍රකාශක් කරනවාද කොමිසම සම්බන්ධයෙන් ?
අගරදගුරු අතිඋතුම් මැල්කම් කාදිනල් රංජිත් හිමිපාණන් – “නෑ. කොමිසමේ වාර්තාව එනතුරු බලාගෙන ඉන්නවා, වාර්තාවට පස්සේ තමයි අපි කියන දෙයක් කියන්නේ.”