ජනාධිපතිවරයා විසින් කල් තැබූ පාර්ලි‍මේන්තු සැසිවාරය නොවැම්බර් 05 වනදා යළි කැඳවීමට ජනාධිපතිවරයා තීරණය කර ඇති බව වාර්තා වේ.
මෛත්‍රීපාල සිරිසේන ජනාධිපතිවරයා විසින් රනිල් වික්‍රමසිංහ මහතා අග්‍රාමාත්‍ය ධුරයෙන් ඉවත් කර ඒ සඳහා මහින්ද රාජපක්ෂ මහතා පත් කිරීමෙන් පසුව ඔවුන් අතර ඇතිවූ බල අරගලය හේතුවෙන් මෙසේ පාර්ලිමේන්තුවේ සැසිවාරය කල් තැබිණි.
කෙසේ නමුත් මීට පෙර සඳහන් කර තිබුනේ පාර්ලිමේන්තුව නොවැම්බර් 16වනදා කැඳවන බවය. එහෙත් කතානායක කරූ ජයසූරිය මහතා සහ ජනාධිපති මෛත්‍රීපාල සිරිසේන මහතා අතර ඊයේ (31) පැවති දීර්ඝ සාකච්ඡාවකින් පසු මෙලෙස ලබන 05 වනදා පාර්ලිමේන්තුව කැඳවීමට තීරණය වී තිබේ.