ශ්‍රී ලංකා නිදහස් පක්ෂ ජාතික සංවිධායක දුමින්ද දිසානායක මහතාගේ සහය නව රජයට ලබා දීමට තීරණය කර තිබෙනවා. ඊයේ (10) සවස ජනාධිපති මෛත්‍රිපාල සිරිසේන මහතා හමුවීමෙන් අනතුරුව ශ්‍රී ලංකා නිදහස් පක්ෂ ආසන සංවිධායකවරුන්ගේ සහ දිස්ත්‍රික් සංවිධායකවරුන්ගේ අයිතීන් සුරැකීමේ කොන්දේසි මත දුමින්ද දිසානායක මහතා එකඟ වූ බවයි ජනාධිපති ලේකම් කාර්යාල ආරංචි මාර්ග ඔස්සේ වාර්තා වෙන්නේ.
ඒ අනුව දුමින්ද දිසානායක මහතා අද සවස 6ට අමාත්‍යවරයකු ලෙස දිවුරුම් දීමට නියමිතව ඇති අතර කිසිදු අමාත්‍යංශයක් හෝ වරප්‍රසාදයක් ඔහු ඉල්ලා නොමැති බවත් ජනාධිපතිවරයාගේ අභිමතය පරිදි අමාත්‍යංශයක් ලබාදීමට නියමිතව ඇති බවත් එම වාර්තා පවසයි.