World

පවුලේ අය, හිතමිතුරන් වැළඳගැනීමට නොහැකිද? එහෙනම් ගසක් වැළඳගන්න

කොවිඩ් හේතුවෙන් එකිනෙකාගෙන් හැකිතරම් දුරින් සිටින ජනතාවගේ මානසික සුවය ඇති කිරීම සඳහා ඊශ්‍රායලයේ සංවිධානය කර තිබූ අපූරු වැඩසටහනක් කාගෙත් අවධානය දිනා ගැනීමට සමත්වී තිබේ.

එම කටයුත්ත නම්කර ඇත්තේ, “ගසක් වැළඳගන්න” ලෙසය.

කොවිඩ් වසංගතය හේතුවෙන් සමාජ දුරස්ථකරණය දිරිමත් කිරීමට ලෝකයේ සියලූම රටවල් පාහේ මේවනවිට විවිධ පියවර ගනිමින් සිටී.

මෙවන් පසුබිමක සිය පවුලේ සාමාජිකයින්, ළබැඳියන් හා හිතමිතුරන් වැළඳගැනීමට පවා නොහැකිව මානසික පීඩාවට පත්ව ඇති ජනතාවට අස්වැසිල්ලක් වීමට ඊශ්‍රායල ස්වභාවික හා උද්‍යාන අධිකාරිය කටයුතු කළේය.

පවුලේ අය, හිතමිතුරන් වැළඳගැනීමට නොහැකිද? එහෙනම් ගසක් වැළඳගන්න., මෙය ඊශ්‍රායල ස්වභාවික හා උද්‍යාන අධිකාරියේ අලුත්ම පණිවිඩය විය.

වඩාත් අප්‍රියජනක කොරෝනා කාලසීමාවේ ජනතාව සොබාදහමට වඩාත් සමීප කරවීමේ අරමුණින් මෙම වැඩසටහන ක්‍රියාවටනැංවූ බව එම අධිකාරිය වැඩිදුරටත් පවසයි.

ටෙල් අවීව් නුවර උද්‍යානයක පැවැති ගස් වැළඳගැනීමේ, අපූරු වැඩසටහන සඳහා සැලකිය යුතු පිරිසක් එක්ව සිටියා.

ගතවූ මැයි මාසයේදී කොවිඩ් ව්‍යාප්තිය තරමක් පාලනය කිරීමට ඊශ්‍රායල රජය සමත්වුණා. මේ දක්වා එරටින් කොරෝනා ආසාදිතයින් 42,360 වාර්තා වී ඇති අතර පුද්ගලයින් 371ක් දෙනෙක් මියගොස් තිබේ.

පසුගිය සති කිහිපයේදී නැවතත් කොවිඩ් පැතිරයාමේ වර්ධනයක් එරටින් වාර්තා වීමත් සමගම මුඛ ආවරණ අනිවාර්ය කිරීම හා පුද්ගල හමු අවමකරන ලෙස රජය ජනතාවට දන්වා සිටී.

Related posts

කුවේටයේදී අතුරුදන්වූ ගෘහ සේවිකාවගේ සිරුර වසරකට පසු අධි ශිතකරණයක තිබී සොයාගනී

colombotoday

VIDEO: ලෙබනනයේ මුස්ලිම් පල්ලියක් ඉදිරිපිටට ISIS මරාගෙන මැරෙන ප්‍රහාරයක් – 40ක් මරුට 200කට බරපතලයි

colombotoday

මව්රටට පැමිණීමට නොහැකිව ශ්‍රී ලාංකික වෛද්‍ය සිසුහු 100 ක් නේපාලයේ හිර වෙති

colombotoday

අපචාර සිදුවීමකට වරදකරු වූ ඔස්ට්‍රේලියානු ජාතිකයෙකුට වසර 129ක සිර දඬුවමක්

Admin

මෙක්සිකෝවෙන් කොකේන් රාත්තල් 10,000ක් සොයාගනී

Admin

ඊශ්‍රායල් ප්‍රහාරයෙන් හමාස් 80 ක් නසිති. හමාස් නායකයාගෙන් නිවේදනයක්. 200 ක් මරා දැමු බව ඊශ්‍රායලය කියයි.

colombotoday