Colombo Today Local News

දඹුල්ලේ එළවළු මිල පාලන මිලටත් අඩුයි.

දඹුල්ල ආර්ථික මධ්‍යස්ථානයේ එළවළු තොග අලෙවි කිරීම සඳහා පාලන මිලක් පනවා තිබුණද අද දිනයේදී පාලන මිලට වඩා විශාල වශයෙන් එළවළු මිළ පහත වැටී තිබුණු බව ව්‍යාපාරිකයො පෙන්වා දෙති.

දඹුල්ල ආර්ථික මධ්‍යස්ථානයට 28දින අලුයම කාලයේ සිට විශාල වශයෙන් එළවළු තොග ගොවීන් විසින් රැගෙනවිත් තිබිණි.

ඒ අනුව යාපනය අර්ධද්වීපයේ විශාල වශයෙන් කැරට්, අර්තාපල් අල, රතු ලූණු, වම්බටු, මෑකරල්, වට්ටක්කා, මාළුමිරිස්, බීට් ආදී එළවළු රැසක් ලැබී තිබිණි.

බොහෝ එළවළු වල මිල රුපියල් 35 සිට 65 දක්වා වූ මිල ගණන් යටතේ අලෙවි වීම විශේෂත්වයකි.

රුපියල් 160 කට පාලන මිලක් දැමූ අමු මිරිස් කිලෝව රුපියල් අසූ පහකි. රුපියල් 110ක් දැමූ බෝංචි කිලෝව රුපියල් අසූ පහේ සිට 100 දක්වා මිලකට අලෙවි වීම විශේෂත්වයකි.

යාපනය බීට්රූට් සඳහා රුපියල් 60 ක පාලන මිලක් පැවැති ද මෙදින රුපියල් හතළිහකට අලෙවිය. රුපියල් 80ක උපරිම සිල්ලර මිල පැවැති තක්කාලි කිලෝවක දඹුල්ලේ මිල රුපියල් 50 කි.

මේ අනුව සෑම එළවළුවක්ම දඹුල්ල ආර්ථික මධ්‍යස්ථානයේ විශාල වශයෙන් පහත වැටී ඇතැයි ව්‍යාපාරිකයෝ මෙන්ම ගොවීන් පෙන්වා දෙති.

මෙපමණ එළවළු මිල පහත වැටී තිබුණද පාරිභෝගික ජනතාවට වැඩි මුදලකට එළවළු පරිභෝජනය කිරීම සිදුව ඇතැයි බොහෝ දෙනා පවසති.

Related posts

සත්ව ඝාතන අඩු කරන්න රටින් ගේන මස්වලට බදු අඩුකරයි

colombotoday

තෛපොංගල් වෙනුවෙන් හින්දු ආගමික රැඳවියන්ට විශේෂ අවස්ථාවක්

Admin

ඥාණසාර හිමි ජාතිවාදියෙක්ද ? ඇසූ මාධ්‍යවේදියාගේ ඇගට රාජිත ගොඩවෙයි.. කැබිනට් මාධ්‍ය හමුව රත්වෙයි

colombotoday

පාස්කු කොමිෂන් සභා වාර්තාව හෙට පාර්ලිමේන්තුවේ විවාදයට

colombotoday

හෙම්මාතගම අනාරක්ෂිත ගොඩනැගිල්ලක් පොලීසියෙන් වසාදමයි

colombotoday

ගොවීන් ලක්ෂ 16කට ගොවි හැඳුනුම්පතක්

colombotoday