ලොවපුරා ව්‍යාප්ත වෙමින් පවතින කොරෝනා වෛරසය පාලනය කිරිමට තවත් වසර හතරක හෝ පහක කාලයක් ගත වෙනු ඇති බව ලෝක සෞඛ්‍ය සංවිධානයේ ප්‍රධාන විද්‍යාඥවරියක් වන සෞම්‍යා සුදර්ශනී ප්‍රකාශ කර සිටි.
ඇය වැඩි දුරටත් ප්‍රකාශ කර සිටින්නේ වෛරසය මැඩලීම සඳහා සුදුසු එන්නතක් නිපදවීමට ලොවපුරා විද්‍යාඥයින් වෙහෙසෙමින් සිටියත් ඒ සඳහා නිශ්චිත දිනයක් ප්‍රකාශ කිරිම අපහසු බවයි.
“මේ සඳහා එන්නතක් සොයා ගැනීම හොඳම ක්‍රමය ලෙස පෙනෙන්න තියෙන්නේ. නමුත් එය සොයා ගැනීමෙන් පසුව නිෂ්පාදනය කිරීම සහ බෙදාහැරීම සම්බන්ධයෙන් අවධානයෙන් සිටිය යුතු වනවා” යැයි ප්‍රකාශ කර සිටියා.
මේ වන විට ලොවපුරා මිලියන 4.3ක ජනතාවකට කොරෝනා වෛරසය ආසාධනය වී ඇති අතර වාර්තා වන මරණ සංඛ්‍යාව ලක්ෂ තුනට ආසන්න වෙමින් පවතී.