තරුණ නීතිඥවරුන්ගේ සංගමය විසින් මාධ්‍ය නිවේදනයක් නිකුත් කරමින් රට තුල ඇතිවී තිබෙන තත්වය පාලනය කිරීම සඳහා යෝජනා 6ක් ඉදිරිපත් කර තිබෙනවා.
එම යෝජනා මෙසේයි…
- සිංහල සහ දෙමළ භාෂා ද්විත්වයෙන්ම වෛරසයේ ව්‍යාප්තිය පිලිබදව නිසි සමාජ දැනුවත් කිරීමක් අඛණ්ඩව සිදු කිරීම.
- නිදහස් වෙළෙඳ කලාප ඇතුලුව සියලුම වැඩ කරන ජනතාවට වැටුප් සහිත නිවාඩු ලබාදීම සදහා නෛතිකවම විධාන සැලසීම.
- ආර්ථිකව පීඩනයට පත් ජනතාව වෙනුවෙන් සහන සැලසීම සදහා සහන පැකේජයක් ලබාදීම.
- ණය සහ මුල්‍ය පහසුකම් හිගතැබීම් සදහා සහන කාලයක් ලබාදීම සහ නීතිමය පියවර නොගැනීමට අදාල සමාගම් වලට නෛතිකවම විධාන කිරීම.
- සියලුම බන්ධනාගාර සදහා නිසි ආරක්ෂාව සහ සනීපාරක්ෂක පහසුකම් සැලසීම.
- අධිකරණ සමග සාකච්ඡා කර සුළු අපරාධ සදහා රිමාන්ඩ් බන්ධනාගාර ගතව සිටින රැදවියන්ට ඇප ලබා දීම සහ සුලු අපරාධ සදහා දඩුවම් ලබා සිටින්නන්ට ජනාධිපති සමාව ලබාදීම.