තලාහේන “කල්වරි” නමැති ක්‍රිස්තියානි මුලධර්මවාදී යාඥා මධ්‍යස්ථානයට පහර දුන් බවට චෝදනා කරමින් ඥානසාර හිමි ඇතුළු තවත් වගත් වගඋත්තර කරුවන් කිහිප දෙනකුට විරුද්ධව ගොනු කර තිබූ නඩුවක් අද (30) දින කොළඹ මහාධිකරණයේදී කැඳවන ලදි. මීට ඉහතදී පූජ්‍ය ගලගොඩඅත්තේ ඥානසාර හිමි ඇතුළු සියලුම වගඋත්තරකරුවන් මෙම නිදොස් කොට නිදහස් කිරීමට කොළඹ මහාධිකරණය 2014 වසරේදී කටයුතු කරන ලදී. කෙසේ වෙතත් එම තීන්දුවට එරෙහිව නීතිපතිවරයා විසින් අභියාචනයක් ඉදිරිපත් කරන ලද අතර පසුව නීතිපතිවරයා විසින්ම එය ඉල්ලා අස්කර ගැනීමට කටයුතු කරණ ලදි. ඒ අනුව අද දින කොළඹ මහාධිකරණයේදී ඥානසාර හිමි ඇතුළු සියලුම වගඋත්තර කරුවන් නිදොස් කොට නිදහස් කරණ ලදි.
පාස්කු ඉරිදා ත්‍රස්ත ප්‍රහාරය පිළිබඳව විභාග කරණ පාර්ලිමේන්තු කාරක සභාවේදී බුද්ධි අංශ නිලධාරීන්ගේ නම් හෙළිවීම පිළිබඳව මාධ්‍යවේදීන් විසින් ඥානසාර හිමිගෙන් විමසා සිටින ලදි. එයට පිළිතුරු ලබාදුන් ඥානසාර හිමි සඳහන් කර සිටියේ “ඒක හරියට කසාද බැඳලා හනිමුන් එක ගෝල්ෆේස් එකේ ගන්නවා වගේ වැඩක්” යනුවෙනි.