Colombo Today Sports News

ජයග්‍රහණය පෙනි පෙනී ලංකාව පරාජය වැළදගනී… එංගලන්තයට වාර්තාගත ජයක්….

ශ්‍රි ලංකා කණ්ඩායමට එරෙහිව පැවැති ටෙස්ට් තරගාවලිය 3-0ක් ලෙස ජයගනිමින් ශ්‍රී ලංකාවේදි වාර්තා ගත ජයක් වාර්තා කිරිමට සංචාරක එංගලන්ත කණ්ඩායම සමත්විය. ඒ එස්.එස්.සී. පිටියේ පැවැති තෙවැනි හා අවසන් ටෙසට් තරගයෙන්ද ලකුණු 42ක ජයක් වාර්තා කරමිනි.

ජයග්‍රහණය වෙනුවෙන් ලකුණු 327 ක ඉලක්කයක් හඹා ගිය ශ්‍රී ලංකා කණ්ඩායම මුල් කඩුළු හතර ලකුණු 52ක් තුළ බිද වැටී ගියේය.

තරගාවලිය පුරාම ලකුණු අතර නොසිටි කුසල් මෙන්ඩිස් ක්‍රියාත්මක වූ අතර ඔහුට අනගි සහයක් ලබා දුන් රොශේන් සිල්වා ලකුණු 102ක විශිෂ්ට සම්බන්ධතාවයක් ගොඩ නැගීය.

තරගය ශ්‍රී ලංකාව දෙසට නැඹුරු වී තිබූ විටෙක කුසල් මෙන්ඩිස් අවාසනාවන්ත ලෙස ලකුණු 86 ක් ලබා සිටියදී දුවද්දී දැවී යාමකට හසු විය.

ඉන් පසුව පිටියට පිවිසි දික්වැල්ල අනවශ්‍ය පහරක් ගැසීමෙන්ද දැවී ගිය අතර දිල්‍ රුවන් ද කඩුල්ල මුවා කිරීමේ වරදට හසු වී පිටියෙන් ඉවත් විය.

නැවතත් ජයග්‍රහණය එංගලන්තය දෙසට දෝලනය වී තිබූ මොහොත පිටියට පිවිසි මලින්ද පුෂ්පකුමාර තරගයට ජීවයක් ගෙන දෙමින් සුරංග ලක්මාල් සමග එක් වී ශ්‍රී ලංකා බලාපොරොත්තු නැංවීය.

තේ පානය සදහා තරගය නතර කරන තුරුම ඔවුන් දෙපළ අනගි ඉනිමක් දියත් කළෝය.

තේ පානයෙන් අනතුරුව පිටියට පිවිසි සුරංග ලක්මාල් හට පන්දු හතරකට පමණක් මුහුණ දීමට සිදු විය.

ඉනිමේ අවසන් කඩුල්ල ලෙස නායක සුරංග ලක්මාල් ලකුණු 11කට දැවී ගියේය.

ඒ අනුව ලකුණු 42 කින් තරගයේ ජය ලබන්නට එංගලන්ත සමත් වූයේ ටෙස්ට් තරගාවලියේ තරග තුනම ජයග්‍රහණය කරමින් වාර්තා පොතටද එක්වෙමිනි.

පිතිකරණයේදී එංගලන්තය වෙනුවෙන් ජෝස් බට්ලර් විසින් අගනා ලකුණු 64ක් ලබා ගත්තේය.

– ඉෂාන් ප්‍රබෝධ –

Related posts

මාලිගෙන් ලෝක වාර්තාවක්

colombotoday

ගුවන් අනතුරකින් පාපන්දු ක්‍රීඩකයින් සිව් දෙනෙකු ජීවිතක්ෂයට

colombotoday

ශ්‍රී ලංකා ක්‍රිකට් කණ්ඩායමේ කොදෙව් සංචාරය අත්හිටුවයි.

colombotoday

IPL නව කණ්ඩායම් දෙකේ අයිතිය කෝටි 12,000 කට අලෙවි වෙයි

colombotoday

ඩිල්රුවන් – අජන්ත – පරණවිතාන නව ක්‍රිකට් තේරීම් කමිටුවට

Admin

වේගපන්දු පුහුණුකරු චමින්ද වාස් ඉල්ලා අස්වෙයි

colombotoday