Colombo Today Local News

ගාල්ලේ ධීවර කාර්මිකයින්ට පීසීආර් අනිවාර්යයි

ගාල්ල දිස්ත්‍රික්කයේ ධීවර කාර්මිකයින් එක් පී.සී.ආර් පරීක්ෂණයකට හෝ අනිවාර්යෙන්ම ලක් විය යුතු බැව් ගාල්ල දිස්ත්‍රික් ප්‍රාදේශීය වසංගත රෝග විද්‍යාඥ වෛද්‍ය වෙනුවකේ සිංගාරච්චි මහතා පවසයි.

ඒ සඳහා අවශ්‍ය සියලු පහසුකම් සෞඛ්‍ය අංශ මඟින් සලසා ඇති බව ද හෙතෙම කියයි.

පී.සී ආර් පරීක්ෂණවලට ලක් නොවන ධීවර කාර්මිකයින් ධීවර වරායන් තුළට ඇතුළු වීම නුසුදුසු බවට තමන් නිර්දේශ කරන බව ද ප්‍රාදේශීය වසංගත රෝග විද්‍යාඥවරයා පෙන්වා දෙයි. එම පරීක්ෂණ කර ගැනීමට නොහැකි වූ ධීවර කාර්මිකයින් සඳහා පී.සී.ආර් පරීක්ෂණ කරගැනීමට ගාල්ල ධීවර වරාය තුළ නිත්‍ය සෞඛ්‍ය කණ්ඩායමක් දින පහක කාලයක් රඳවා තැබීමට කටයුතු කරන බව ද ප්‍රාදේශීය වසංගත රෝග විද්‍යාඥවරයා පවසයි.

පී. සී. ආර්. පරීක්ෂණ පැවැත්වීමේදී ධීවර ප්‍රජාව සඳහා ප්‍රමුඛතාවය ලබා දී ඇති බව පවසන ප්‍රාදේශීය වසංගත රෝග විද්‍යාඥවරයා ඇතැම් ධීවරයන් එම අවස්ථාවෙන් ප්‍රයෝජන නොගන්නා බවද හෙතෙම පෙන්වා දෙයි. ඉදිරියේ දී ධීවර සංගම් හා මහජන සෞඛ්‍ය පරීක්ෂකවරුන්ගෙන් ධීවර කාර්මිකයින්ගේ තොරතුරු ලබාගෙන පී.සී.ආර්. පරීක්ෂණ වලට ලක්නොවු ධීවර කාර්මිකයින් සඳහා එම පරීක්ෂණ කරන බව ද හෙතෙම පවසයි.

මේ වන විට ගාල්ල, රත්ගම, වැල්ල, දොඩන්දූව, ඡාකොටුවැල්ල, හික්කඩුව යන ස්ථාන වල ධීවර ප්‍රජාවගේ දෙවැනි පී.සී.ආර්. පරීක්ෂණ සිදු කර ඇති බව ගාල්ල දිස්ත්‍රික් ප්‍රාදේශීය වසංගත රෝග විද්‍යාඥවරයා පවසයි.

Related posts

පැය 24ක් තුළ බස්නාහිර පළාතේ කළ වැටලීම්වලින් මත්ද්‍රව්‍ය සමඟ 381ක් අත්අඩංගුවේ

colombotoday

CID හිටපු අධ්‍යක්ෂ ශානිගේ ඇප ඉල්ලීම ප්‍රතික්ෂේපයි

colombotoday

බෙහෙත් විසිකර මාට්ටුවූ රිෂාඩ් බදුර්දීන් ජාතික රෝහලෙන් දොට්ට දමයි. – යලි අපරාධ පරීක්ෂණ දෙපාර්තමේන්තුවට

colombotoday

ව්‍යවස්ථා දළ කෙටුම්පතෙන් ජාතිවාදය දෝරෙ ගලයි.. ජනවාර්ගික කළාප ගොඩනැගීමටත් යෝජනා

colombotoday

සබීතාගේ බිල්ඩිමෙන් කෘෂිකර්ම අමාත්‍යාංශය වහාම ඉවත් කරගන්නැයි ජනපති දන්වයි

colombotoday

අද රටම මිලිටරිකරණය කරලා… හමුදා භීතියෙන් ගැලවෙන්න සජිත් අගමැති කරන්න !

colombotoday