ගම්පහ නගර සභාවේ මන්ත්‍රීවරයකුට කොවිඩ් 19 වෛරසය ආසාදනය වී තිබෙන බව නගරාධිපති එරංග සේනානායක මහතා පවසයි.
එම මන්ත්‍රීවරයා ඉරණවිල පිහිටි කොවිඩ් ප්‍රතිකාර මධ්‍යස්ථානය සඳහා යොමු කර තිබේ.
ඒ හේතුවෙන් ගම්පහ ප්‍රාදේශිය ලේකම් කාර්යාලය සහ නගර සභා පරිශ්‍රය විෂබීජහරණය කිරීමට පියවර ගත් බවත් නගර සභාවේ කටයුතු අතවශ්‍ය රාජකාරී සඳහා පමණක් සීමා කර ඇති බවත් නගරාධිපතිවරයා සඳහන් කළේය.
මෙම මන්ත්‍රීවරයාගේ නිවස ආසන්නයේ පදිංචි මාළු වෙළඳුන් කිහිප දෙනෙක් කොවිඞ් ආසාදිතයින් ලෙස වාර්තා වී ඇති බවත්, ඔවුන්ගේ ආශ්‍රයකුගෙන් මන්ත්‍රීවරයාට ද වෛරසය ආසාදනය වන්නට ඇති බවත් සැකකරන බවද නගරාධිපතිවරයා කීවේය.