Colombo Today Local News

කොරියාවෙන් ආ 180ක් මඩකලපුව ශරියා නිරෝධායන මධ්‍යස්ථානයට

කොවිඩ් – 19 රෝගය ශ්‍රී ලංකාව තුළට ඇතුළු වීම වැළැක්වීම සඳහා කටුනායක ගුවන් තොටුපළෙන් ශ්‍රී ලංකාවට පැමිණි පළමු කණ්ඩායම  වූ ගුවන්  මගීන් 181 ක් අද (10දා) උදෑසන මඩකලපුව පෞද්ගලික විශ්ව විද්‍යාලය වෙත නීරෝධායන කටයුතු සඳහා යොමු කරනු ලැබීය.

අද අලුයම 3.33 ට දකුණු කොරියාවේ ඉන්චියොන් ගුවන් තොටුපළේ සිට පැමිණි කොරියානු ගුවන් සේවයට අයත් කේ.ඊ.- 473 දරන ගුවන් යානයෙන් පැමිණි ගුවන් මගීන් 166 දෙනෙකු මේ සදහා ප්‍රධාන වශයෙන් යොමු කර තිබුණි.

මොවුන් අතරින් 164 ක් ශ්‍රී ලාංකික ගුවන් මගීන් වූ අතර , ඉතිරි දෙදෙනා කොරියානු ජාතිකයන් වෙයි.

මීට අමතරව තවත් ගුවන් යානා කීපයකින් ඉතාලියේ සිට කටුනායක ගුවන් තොටුපළ වෙත පැමිණ සිටි ගුවන් මගීන් 15 දෙනෙකු ද මෙම පළමු නිරෝධායන කණ්ඩායමට එකතු කර තිබුණි. සේ කටුනායක ගුවන් තොටුපළ වෙත පැමිණ සිටි සියලුම ගුවන් මගීන් කොවිඩ් – 19 රෝග ආසාදිත ලක්ෂණ පෙන්නුම් නොකළ බව කටුනායක ගුවන් තොටුපළ කාර්යය භාර නිලධාරිවරයා සඳහන් කළේය.

මෙම පිරිස මඩකලපුව පෞද්ගලික විශ්ව විද්‍යාලය වෙත රැගෙන යෑම සඳහා සෞඛ්‍ය අමාත්‍යාංශය විසින් බස් රථ 05 ක් සපයා තිබූ අතර, මෙම කටයුතු ද එම අමාත්‍යාංශය විසින් සම්බන්ධීකරණය  කර තිබුණි.

ගුවන් මගීන් මඩකලපුව පෞද්ගලික විශ්ව විද්‍යාලය වෙත රැගෙන යෑම සහ ඔවුන් එහිදී රැක බලා ගැනීම ශ්‍රී ලංකා යුධ හමුදාව විසින් සිදු කරයි.

කටුනායක ගුවන් තොටුපළ වෙත දකුණු කොරියාව, ඉතාලිය සහ ඉරානයේ සිට පැමිණෙන ගුවන් මගීන් 3/10 දින සිට මේ ආකාරයට උදෑසන 6.00 ටත් , යළි සවස 6.00 ටත් පිටත් වන  විශේෂ බස් රථ මගින් ශ්‍රී ලංකා යුධ හමුදාව විසින් මඩකලපුව පෞද්ගලික විශ්ව විද්‍යාලය වෙත රැගෙන යෑමට අවශ්‍ය කටයුතු යොදා තිබේ.

ඒ අතරතුර කාළය තුළ   ටුනායක ගුවන් තොටුපළ වෙත ඉහත රටවලින් පැමිණෙන සියලුම  ගුවන් මගීන් , මෙම බස් රථ මඩකලපුව බලා  පිටත් වන තෙක් කටුනායක එයා පෝට් ගාඩ්න් හෝටලයේ රදවා තබන බවද කටුනායක ගුවන් තොටුපළ කාර්යය භාර නිලධාරීවරයා වැඩිදුරටත් සදහන් කළේය .

Related posts

“අසුචි ගොඩක ඉදන් වහසි බස් කීම නවත්තපන්” – මර්වින් සිල්වා සුමන්තිරන්ට සැරටම අමතයි

colombotoday

“සමාජ මාධ්‍ය ජාල වලට වාරණයක් පැනවිය යුතුයි.”

Admin

2018 රජයේ සමස්ථ වියදම බිලියන 3982 යි.. අපේක්ෂිත ආදායම බිලියන 2175 යි

colombotoday

“සංඝානුභාවේන – සංගායනාවට කාලයයි” ජාතියේ මහා චීවර පුජාව මහා විහාරයේ ආශිර්වාදයෙන් ජුනි 30 සෙනසුරාදා

colombotoday

දේශීය ⁣කොරෝනා ඔසුව ආයුර්වේද යෝග සංග්‍රහ කමිටුවේ ලියාපදිංචි වී නැතැයි චෝදනා.

colombotoday

අප්‍රේල් 21 ප්‍රහාරය ගැන ජනපතිව දැනුවත් කරලා නෑ – ජනපති මාධ්‍ය අංශයෙන් නිවේදනයක්

colombotoday