අගරදගුරු සහ කතෝලික ආගම සම්බන්දයෙන් තමන් විසින් කරන ලද ප‍්‍රකාශය සත්‍ය බවත් දැනටද තම ස්ථාවරය එය බවත් මුදල් හා ජනමාධ්‍ය ඇමති මංගල සමරවීර මහතා පවසයි.
එම ප‍්‍රකාශය ඉල්ලා අස් කර ගන්නේදැයි මාධ්‍ය විසින් කල විමසීමේදී ඇමතිවරයා මෙම අදහස් පල කලේය.
කතෝලික සභාව විසින් අන්‍යාගමිකයන්ට එරෙහිව දියත් කරන ලද භීෂණය මානව හිමිකම් වල මූලාරම්භය බවත් තම ආගම පිළිනොගන්නා හා ප්‍රශ්න කළ පුද්ගලයන්ට කතෝලික සභාව විසින් දෙතිස් වද දී මරා දැමීමද අන්‍ය ආගම්වලට එරෙහිව ආධිපත්‍ය පැතිරවීමට කුරුස යුද්ධයක් ඇති කළ බවද ඇමතිවරයා පසුගියදා සිය ට්විටර් ගිණුම ඔස්සේ ප‍්‍රකාශ කලේය.
මැල්කම් රංජිත් කාදිනල් අගරදගුරුතුමන් විසින් පසුගියදා කරන ලද ප‍්‍රකාශයකට ප‍්‍රතිචාර දක්වමින් ඇමතිවරයා මෙසේ සදහන් කර තිබින.