ජනාධිපති ගෝඨාභය රාජපක්ෂ මහතා චිරාගත ආගමික වතාවත්වලට මුල්තැන දෙමින් සිය 71 වන ජන්ම දිනය සමරා තිබේ.
අනුරාධපුර රුවන්වැලි සෑය අභියස දී අද අලුයම කිරි ආහාර පූජාවක් පැවැත්වූ අතර පූජ්‍ය උඩුවේ ධම්මාලෝක හිමියන් විසින් ආගමික වතාවත් සිදු කර ඇත.
රුවන්වැලි චෛත්‍ය රාජයාණන් උදෙසා කප්රුක් පූජාවක්ද චෛත්‍ය මළුවේ කිරි ඉතිරවීමේ චාරිත්‍ර ජනාධිපතිවරයා විසින් සිදු කර තිබේ.
එම පරිශ්‍රයේ ඇති දුටුගැමුණු රජුගේ සහ විහාර මහා දේවිය පිලිරූවලට මල් මල් මාලා පැළදවීම ජනාධිපතිතුමා අතින් සිදු කර ඇත.
මේ අතර ජනාධිපති ගෝඨාභය රාජපක්ෂ මහතා ඊයේ (19) පස්වරුවේ අභයගිරි, පූර්වාරාම මහා විහාරය වැඳපුදාගෙන විහාරාධිපති උතුරුමැද පළාතේ සංඝනායක පූජ්‍ය පොතානේ ධම්මානන්ද හිමි බැහැදැක ආශිර්වාද ලබාගෙන තිබේ.
ත්‍රස්තවාදයෙන් රට මුදා ගැනීමට කැප වූ ජනාධිපති ගෝඨාභය රාජපක්ෂ මහතා කොවිඩ් වසංගතයෙන් ජනතාව බේරා ගනිමින් කළ මෙහෙවර පූජ්‍ය පොතානේ ධම්මානන්ද හිමිගේ ප්‍රශංසාවට ලක්වූ බව ජනාධිපති මාධ්‍ය අංශය සඳහන් කළේය.