Colombo Today Local News

අයවැය බදු ඉවත්කර ගනු – බස් ගැමුනුත් වර්ජනයකට සැරසෙයි

gamunu

දුම් සහතික සහ වාහන හිමිකාරිත්වය සම්බන්ධයෙන් අය වැයෙන් වැඩි කළ බද්ද ඉවත් කර නොගතහොත් සති දෙකක්‌ ඇතුළත දැවැන්ත විරෝධතාවක්‌ දක්‌වන බව ලංකා පෞද්ගලික බස්‌ හිමියන් ගේ සංගමයේ සභාපති ගැමුණු විජේරත්න මහතා පවසයි.

මුදල් ඇමැතිවරයා පෞද්ගලික බස්‌ කර්මාන්තයට හා පොදු ප්‍රවාහනය සම්බන්ධයෙන් බදු පැනවීමට කටයුතු කිරීමට පෙර පෞද්ගලික ප්‍රවාහන සංගම් සමඟ සාකච්ඡා නොකළ බවට ද හෙතෙම චෝදනා කරයි.

රජයේ වාහනවලට කිසිදු දුම් සහතිකයක්‌ ලබා නොගෙන දුම් සහතික බද්ද රුපියල් 5000 ක් ‌ද, වාහන හිමිකාරත්ව බද්ද බස්‌ රථවලට 10,000 ක්‌ සහ මෝටර් රථවලට රුපියල් 15000 ක්‌ ලෙස වැඩිකිරීම මහත් අසාධාරණ බව ද විජේරත්න මහතා කී ය.

මේ සම්බන්ධයෙන් විරෝධය පළ කරමින් අද (23) මුදල් ඇමැතිවරයා වෙත ලිපියක්‌ භාරදෙන බවත් එයට නිසි ප්‍රතිචාරයක්‌ නොලැබුණහොත් විවිධ සංවිධාන සහ සංගම් එකතු කරගෙන සති දෙකක්‌ ඇතුළත දැවැන්ත විරෝධතාවක්‌ ක්‍රියාත්මක කිරීමට කටයුතු කරන බවත් කී ඒ මහතා සමස්‌ත අයවැය දෙස බැලීමේ දී එය ප්‍රෝඩාකාරී අයවැයක්‌ ලෙස පෙනී යන බව ද වැඩිදුරටත් කී ය.

Related posts

මීළග ඡන්දයට පෙර මහින්දගේ අළුත් පක්ෂය ස්ථීරයි

colombotoday

ඇඳිරිය කඩ කළ 664ක් අත්අඩංගුවට

colombotoday

ගෑස් ප්‍රමිතිය පරීක්‍ෂා කිරීමට ප්‍රමිති ආයතනයට අවසර දෙයි

colombotoday

ශ්‍රීලනිප යේ මහ ලේකම් ධූරය සරත් ඒකනායකට

Admin

කොළඹ ප්‍රදේශ 4කින් ඩෙංගු රෝගින් වාර්තා වීම ඉහළ යයි

Admin

මොන භාරකාර ආණ්ඩුව පිහිටෙව්වත් රට විකුණන අය එක්ක මම එකතුවෙන්නෑ….

colombotoday