අධිකරණ සංවිධාන සංශෝධන පනත් කෙටුම්පත පාර්ලිමේන්තුවේ තුනෙන් දෙකක බහුතරයකින් සම්මත වියයුතු බව ශ්‍රේෂ්ඨාධිකරණය විසින් කතානායකවරයාට දැනුම්දී ඇත.
අදාළ පනත සම්බන්ධ ශ්‍රේෂ්ඨාධිකරණ මතය විමසීම හමුවේ මේ බව දැනුම්දී ඇති අතර ඒ බව අද (03) කතානායකවරයා පාර්ලිමේන්තුවට දැනුම්දී ඇත.
අදාළ පනතේ ඇතැම් වගන්ති ආණ්ඩුක්‍රම ව්‍යවස්ථාවට අනුකූල නොවන බවත් එම වගන්ති සංශෝධනය කරන්නේ නම් පනත සම්මත කිරීමට තුනෙන් දෙකක පාර්ලිමේන්තු බහුතරය අනවශ්‍ය බවද ශ්‍රේෂ්ඨාධිකරණය සිදුකර තිබෙන දැනුම්දීමේ සඳහන් බවද වැඩිදුරටත් වාර්තා වෙයි.