හිටපු තැපැල් ඇමති මොහොමඩ් හලීම්ට අමාත්‍යංශය විසින් ලබා දී තිබූ BMW රථයේ යතුර අස්ථාන ගතවී ඇති අතර එම රථය මාසයක පමණ කාලයක් ඔහුගේ නිවසේ නවතා දමා තිබෙනවා. පාර්ලිමේන්තුව විසුරවිමත් සමගම එම වාහනය අමාත්‍යංශය වෙත බාර දීමට සිදුව තිබීම හේතුවෙන් ඇමති හලීම් මේ වන විට අර්බුදයකට ලක්ව තිබෙන බව තැපැල් අමාත්‍යාංශ ආරංචි මාර්ග පවසනවා.
කෙසේ වෙතත් මේ වන විට එම වරද රියදුරු පිට පටවා ඇති හලීම් හිටපු ඇමතිවරයා නව යතුරක් ලබාගැනීම සඳහා වියදම් වන රුපියල් 150 000 ක මුදල ගෙවන ලෙස රියදුරුට තර්ජනය කරමින් සිටින බව දැනගන්නට ලැබෙනවා. කෙසේ වෙතත් සෑම දිනකම සවස BMW රථයේ යතුර පුරුද්දක් ලෙස රියදුරුගෙන් ලබාගැනීමට ඇමතිවරයා කටයුතු කර ඇති බවත් එසේ ලබාගත් අවස්ථාවකදී ඇමතිවරයා අතින් අස්ථානගත වීම සිදුව ඇති බවත් අමාත්‍යංශයේ සේවකයෝ සඳහන් කර සිටිනවා.