බ්‍රිගේඩියර් ප්‍රියංක ප්‍රනාන්දු මහතා ලංකාවට කැඳවීම සම්බන්ධයෙන් හමුදා ප්‍රකාශකවරයා සිදුකරන පැහැදිලි කිරීම හාස්‍යජනක බව පිවිතුරු හෙළ උරුමයේ නායක පාර්ලිමේන්තු මන්ත්‍රී උදය ගම්මන්පිල මහතා සඳහන් කරයි.
කොටි සංවිධානයේ විරෝධතා, උද්ඝෝෂණ මැද ඔහුගේ ආරක්ෂාව සම්බන්ධයෙන් විමසීමට බ්‍රිගේඩියර්වරයා ලංකාවට කැඳවූ බවට හමුදා ප්‍රකාශකවරයා ප්‍රකාශ කළත් ඒ පිළිබඳව හමුදා අභ්‍යන්තරයේ යම් කැලඹීමක් ඇතිවෙමින් තිබෙන බවද ඔහු සඳහන් කළේය.
ඊයේ (22) කෝට්ටේ පිහිටි පිවිතුරු හෙළ උරුමයේ ප්‍රධාන කාර්යාලයේ පැවති මාධ්‍ය හමුවකදී උදය ගම්මන්පිල මහතා මේ බව සඳහන් කළේය.
ප්‍රියංක ප්‍රනාන්දු බ්‍රිගේඩියර්වරයාට එරෙහිව විනය පරීක්ෂණයක් නොකරන බව හමුදා ප්‍රකාශකවරයා සඳහන් කළත් ඔහු ලංකාවට කැඳවූ නියම හේතුව හෙළි කිරීම හමුදාව සතු වගකීමක් බවද ඔහු පැවසුවේය.