ජනප්‍රිය දේශපාලන තීන්දුවක් අනුව වී ගබඩා කිරීමට තීරණය කළ මත්තල ගුවන්තොටුපළේ නිරීක්ෂණ චාරිකාවකට ඊයේ 18 ප්‍රවාහන අමාත්‍ය නිමල් සිරිපාල ද සිල්වා මහතා එක්විය. එහිදී මාධ්‍යට අදහස් දැක් වූ ඒ මහතා ප්රකාශ කර සිටියේ මත්තල වී ගබඩා කිරීමට ගත් තීරණය නිසා ගුවන්තොටුපොළට දැඩි හානි සිදු වී ඇති බවයි.
ගුවන් යානා බහුලව නොපැමිණියත් මත්තල ගුවන් තොටුපොළ නිසා ශී‍්‍ර ලන්කන් ගුවන් සමාගම සැලකිය යුතු ලාභයක් උපයාගෙන ඇතැයිද මෙහිදී ප්රකාශ කෙරුණා. මත්තල ගුවන් තොටුපොළ නිසා ශී‍්‍ර ලංකාවට ඉහළින් පියාසර කරන ගුවන් යානාවලින් බද්දක් අය කර ගැනීමට ශී‍්‍ර ලංකාවට හැකිවන බවයි අමාත්‍ය නිමල් සිරිපාල ද සිල්වා මහතා පැවසුවේ. මෙම ගුවන් තොටුපොළ වෙනුවෙන් වාර්ෂිකව රුපියල් බිලියන දෙකයි දශම 5ක ණය වාරික හා පොලී ගෙවනු ලබන බවද කාර්ය මණ්ඩලයේ වැටුප් සහ විදුලිබිල වෙනුවෙන් වියදම රුපියල් මිලියන 72ක් පමණ බවද වැඩිදුරටත් ප්රකාශ කෙරුණා.
ඒ අනුව ගබඩා කර ඇති වී තොග හැකි ඉක්මනින් ඉවත්කර ගන්නැයි වී අලෙවි මණ්ඩලයෙන් ඉල්ලා සිටින බවද ඒ මහතා ප්රකාශ කලා.