කොරෝනා වෛරසයේ ගැටලුව සම්බන්ධයෙන් ඇතිවී තිබෙන ගැටලුව සම්බන්ධයෙන් සාකච්ඡා කිරීම සඳහා පාර්ලිමේන්තුවේ විශේෂ සැසියක් කැඳවන ලෙස සමගි ජන බලවේග නායක හා හිටපු විපක්ෂ නායක සජිත් ප්‍රේමදාස ජනාධිපති ගෝඨාභය රාජපක්ෂ මහතාගෙන් ඉල්ලීමක් සිදුකළා.
පාර්ලිමේන්තුව විසුරුවා හැර අපේ‍්‍රල් 25 වන දින මැතිවරණයක් කැඳවනු ලැබුවත් සජිත් ප්‍රේමදාස පැවසුවේ ජනතාවගේ ජීවිත මිස මැතිවරණය වැදගත් නොවන බවයි. මාධ්‍යවේදීන් අමතමින් කියා සිටියේ සතියේ දිනවල හෝ සති අන්තයේ වේවා ජනාධිපතිවරයා පාර්ලිමේන්තුවේ විශේෂ සැසියක් කැඳවිය යුතු බවයි.
මෙම ප්‍රශ්නය දේශපාලනික නොකර රටට ප්‍රමුඛතාවය දිය යුතුය. මෙම ගැටලුව සාකච්ඡා කිරීමට අපි සූදානම්. ජනාධිපතිවරයා හමුවීමටත් මෙම ගැටලුව විසඳීම සඳහා අපගේ පූර්ණ සහයෝගය ලබාදීමටත් අපි සූදානම් බවයි මෙහි දී සජිත් ප්‍රේමදාස කියා සිටියේ.