හිටපු අග්‍රාමාත්‍ය රනිල් වික්‍රමසිංහ මහතාට ලබන 25 වනදා දේශපාලන පලිගැනීම් පිළිබඳ සෙවීමේ ජනාධිපති කොමිසම හමුවේ පෙනී සිටින ලෙස සිතාසි නිකුත් කර තිබේ.
මීට පෙර, එළඹෙන 21 වනදා ජනපති කොමිසම හමුවේ පෙනී සිටින ලෙස ද ඔහුට දැනුම් දී තිබුණි.
එදින රනිල් වික්‍රමසිංහ මහතා පාස්කු ඉරුදින ප්‍රහාරය පිළිබඳ සෙවීමේ ජනාධිපති කොමිසම හමුවේ පෙනී සිටින බවට වාර්තා වීමත් සමග ඔහුට නැවත සිතාසි නිකුත් කිරීමට පියවර ගෙන ඇති බව සඳහන් වේ.
මංගල සමරවීර, පාඨලී චම්පික රණවක, ෆීල්ඩ් මාර්ෂල් සරත් ෆොන්සේකා සහ මලික් සමරවික්‍රම යන මහත්වරුන්ට ලබන 21 වනදා ජනාධිපති කොමිසම හමුවේ පෙනී සිටින ලෙස මීට පෙර නිකුත් කළ සිතාසි එලෙසම ක්‍රියාත්මක වන බව සඳහන් වේ.
මීට අමතරව, දෙමළ ජාතික සන්ධානයේ නායක ආර්. සම්බන්ධන්, එම්.ඒ. සුමන්තිරන්, අනුර කුමාර දිසානායක, නීතිඥ ජේ.සී වැලිඅමුණ, ආචාර්ය ජයම්පති වික්‍රමරත්න යන මහත්වරුන් ද එදින එම කොමිසම හමුවේ පෙනී සිටීමට නියමිතය.
ආර්ථික සංවර්ධන කටයුතු අමාත්‍යාංශයේ හිටපු ලේකම්වරයකු වන වෛද්‍ය නිහාල් ජයතිලක මහතා කොමිසමට කර තිබූ පැමිණිල්ලකට අදාළව මෙම පිරිසට සිතාසි නිකුත් කර ඇත.