ආබාධිත යුද හමුදා රණවිරුවන් පිරිසකට හිමි හිග වැටුප් ලබා දී මට මැදිහත් වන ලෙස ඉල්ලීමක් කරමින් ආබාධිත යුධ හමුදා රණවිරුවන්ගේ සංගමය අස්ගිරි මහා නා හිමියන් වෙත සංදේශයක් භාර දී තිබේ.
අදාළ ගැටළුව සම්බන්ධයෙන් ජනාධිපතිවරයා ඇතුළු වගකිව යුතු නිලධාරීන් දැනුම්වත් කළ ද මේ වන තෙක් තමන්ට සාධාරණයක් වී නොමැති බව එම සංගමය සදහන් කර ඇත. 6000කට ආසන්න යුධ හමුදා රණ විරුවන් පිරිසක් මෙලෙස අසාධාරණයට ලක්ව සිටින බවත්, 1998 වසරේ සිට අදාළ වැටුප ලබා දී නොමැති බවත් එම සංගමය සදහන් කර ඇත.
ඒ අනුව අදාළ ගැටළුව සම්බන්ධයෙන් සොයා බලා නිසි පියවර ගන්නා ලෙස ජනාධිපතිවරයා, අග්‍රාමාත්‍යවරයා, යුධ හමුදාපතිවරයා, ආරක්ෂක ලේකම්වරයා ඇතුළු අදාළ නිලධාරීන්ට දැනුම් දෙන බව අස්ගිරි මහා නා හිමියන් එහිදී ප්‍රකාශ කර ඇත.