හිටපු අමාත්‍ය මහින්ද සමරසිංහ මහතාගේ ශ්‍රී ලංකා නිදහස් පක්ෂ සාමාජිකත්වය අහෝසි කර තිබේ.
ඊයේ(19) දිනයේ සිට ක්‍රියාත්මක වන පරිදි ඔහුගේ පක්ෂ සාමාජිකත්වය අහෝසි කිරීමට පියවර ගෙන ඇති බව ශ්‍රී ලංකා නිදහස් පක්ෂ මහලේකම් දයාසිරි ජයසේකර මහතා පවසා ඇත.
ඊට අමතරව මහින්ද සමරසිංහ මහතා ශ්‍රී.නි.ප කළුතර දිස්ත්‍රික් සංවිධායක ධුරයෙන් ද ඉවත් කර තිබේ.
පක්ෂ සාමාජිකත්වය අහෝසි කිරීම හා දිස්ත්‍රික් සංවිධායක ධුරයෙන් ඉවත් කිරීම සම්බන්ධයෙන් වන ලිපිය අද දිනයේ මහින්ද සමරසිංහ මහතා වෙත යොමු කිරීමට පියවර ගත් බවයි දයාසිරි ජයසේකර මහලේකම්වරයා පැවසුවේය.