කොළඹ කුරුඳුවත්ත සිනමන් ග්‍රෑන්න්ඩ් සුපිරි නිවාස සංකිර්ණයේ නිවසක් කුලියට ගෙන මහ පරිමාණයෙන් මත්ද්‍රව්‍ය ජාවාරමේ යෙදුණු මුස්ලිම් ජාතික කෝටිපති ව්‍යාපාරිකයෙකු රුපියල් ලක්ෂ පහළොවක ආසන්න වටිනා විවිධ මත්ද්‍රව්‍ය සමඟ ඊයේ (29) අත්අඩංගුවට ගත් බව කුරුඳුවත්ත පොලීසිය පවසයි.
එම නිවස තුළ තිබි වර්ග කිහිපයකට අයත් මත්පෙති හාරසිය දහයක්,හෙරෝයින් මත්කුඩු ග්‍රෑම් තුනයි මිලිග්‍රෑම් තුනක් , කුෂ් නැමැති මත්ද්‍රව්‍ය ග්‍රෑම් එකොළහක් ,විද්‍යුත් තරාදි හා මත්කුඩු පැකට් කිරිමට යොදා ගන්නා කඩදාසි දෙදහස් පන්සීයයක් සොයා ගැනීමට හැකි වු බව පොලීසිය පවසයි.