මාකඳුරේ මධුෂ් ඇතුළු කිසිදු මත්ද්‍රව්‍ය ජාවාරම්කරුවෙක් ශී‍්‍ර ලංකාවේ පොලිසියට අවශ්‍ය අය බව මෙරට පොලිසිය ඩුබායි පොලිසියට හෝ එරට ජාත්‍යන්තර පොලිස් ශාඛාවට දැනුම් දී නැත.
මොවුන් ගැන කිසිදු වාර්තාවක් එරට පොලිසියේ නැතැයි ඩුබායි ආරංචි මාර්ග හෙළි කළේය.
මෙයට වසර කීපයකට පෙර මෙම පිරිස ඩුබායිහි සිටින බවට මෙරටට වාර්තා වුවත් ශී‍්‍ර ලංකා පොලිසිය නිහඬව සිටි බව එම ආරංචි මාර්ග පළ කළේය.
මේ හැර 2018 අපේ‍්‍රල් මස මෙරටට අවශ්‍ය රතු වරෙන්තුකරුවන් 121 කගේ නම් ඉන්ටර්පෝල් නාම ලේඛනයෙන් අහෝසි වී තිබූ අතර ඒ ගැන රජය කිසිදු ප‍්‍රකාශයක් කර නැත.
මෙයට අමතරව කොටි ත‍්‍රස්තවාදීන්ගේ නාම ලේඛනය ද ඉන්ටර්පෝල් පොලිස් මූලස්ථානයෙන් අහෝසි වී තිබේ.
දිවයින