තමන් පැහැරගැනීමකට ලක් වූ බවට චෝදනා කරන ලද කොළඹ ස්විට්සරලන්ත තානාපති කාර්යාලයේ ශ්‍රී ලාංකික සේවිකා ගානිටා බැරිස්ටර්ගේ දුරකථන සංවාද අනුව තවත් තොරතුරු රැසක් හෙළිවී ඇති බව අපරාධ පරීක්ෂණ දෙපාර්තමේන්තුව විසින් අධිකරණයට වාර්තා කර ඇත.
ඇය පැහැරගැනීමට ලක්වූ බව කියන කාලයේ දී ඇය විසින් ලබාගත් දුරකතන ඇමතුම් රාශියක විස්තර අධිකරණයට පොලිසිය විසින් ඉදිරිපත් කර තිමේ.
ඒ අනුව පැහැරගත් බවට ඇය පවසන කාලය ඇතුළත රහස් පොලිසියේ හිටපු අධ්‍යක්‍ෂ ශානි අබේසේකරට, එහි හිටපු පොලිස් පරීක්‍ෂන නිශාන්ත සිල්වාට, ලේක්හවුස් සභාපතිවරයාට, එහි මාධ්‍යවේදිනියකට, එජාප ප‍්‍රබලයෙක් වන ක‍්‍රිෂාන්ත කුරේට මෙසේ දුරකථන ඇමතුම් ලබාගෙන තිබේ.
පැහැරගැනීමට ලක්වූ අැයගේ කටට පිස්තෝලයක් එබීම නිසා භීතියට පත්වී කතා කරන්නට බැරිව උඩ බලාගෙන සිටින බවට පාර්ලිමේන්තු මන්ත්රී රාජිත සේනාරත්න මහතා විසින් ප්‍රකාශ කරන ලද කාලයේදී මෙම දුරකතන ජාලය ඇය විසින් පවත්වාගෙන ගොස් තිබීම විශේෂත්වයකි.