නාවික හමුදාව සහ පොලිස් විශේෂ කාර්ය බලකාය එක්ව ත්‍රිකුණාමලය නෙදුන්කේනි රක්‍ෂිතයේ සිදුකළ විශේෂ සෝදිසි මෙහෙයුමක දී බර අවි උණ්ඩ කිහිපයක් සොයා ගෙන ඇති බව වාර්තා වේ.
නැගෙනහිර නාවික විධානයට අනුයුක්ත නාවික හමුදා පුද්ගලයින් පිරිසක් සහ සර්ධාපුර පොලිස් විශේෂ කාර්ය බලකා සාමාජිකයින් පිරිසක් එක්ව ඊයේ (02)දින මෙම මෙහෙයුම සිදුකර ඇත.
සොයා ගත් ද්‍රව්‍ය අතර, කොටසක් විනාශ වී තිබූ මල්ටිබැරල් උණ්ඩයක්, මිලි මීටර 81 වර්ගයේ මෝටාර් උණ්ඩයක් හා මිලිමීටර් 120 වර්ගයේ කාලතුවක්කු උණ්ඩයක් සොයා ගත් බව නාවික හමුදාව පවසයි.
මෙම බර අවි උණ්ඩ මානුෂිය මෙහෙයුම් පැවැති සමයේ භාවිතා කරන ලද උණ්ඩ බවට සැක පළ කරන අතර එම සොයා ගන්නා ලද උණ්ඩ සම්බන්ධයෙන් ඉදිරි පරීක්ෂණ කටයුතු සර්ධාපුර විශේෂ කාර්ය බලකාය මඟින් සිදුකරනු ලබයි.