නවසීලන්තයේ මුස්ලිම් දේවස්ථානයකදී එහි සිටි බැතිමතුන්ට වෙඩි තැබූ තුවක්කුකරු ඕස්ට්‍රේලියානු පුරවැසිභාවය ඇති දක්ෂිණාංෂික අන්තවාදියකු යැයි ඕස්ට්‍රේලියානු අගමැති ස්කොට් මොරිසන් මහතා පැවැසීය.
“ක්‍රයිස්ට්චර්ච්හිදී වෙඩි තැබීම කළේ දක්ෂිණාංෂික අන්තවාදියෙක්, ප්‍රචණ්ඩකාරී ත්‍රස්තවාදියෙක්. ඔහු ඕස්ට්‍රේලියාවේ උපත ලැබූ පුරවැසියෙක්” යැයි ඕස්ට්‍රේලියානු අගමැතිවරයා කීය.
වෙඩි තැබීමෙන් දේවස්ථානය තුළ සිටි ඉස්ලාම් බැතිමතුන් 40ක් පමණ මියගොස් ඇතැයි මාධ්‍ය වාර්තා පවසයි.
මේ අතර නවසීලන්තයේ සංචාරයක නිරතව සිටින බංගලිදේශ ක්‍රිකට් කන්ඩායමද මෙම ප්‍රහාරයෙන් අනූ නමයෙන් ජීවත ගලවාගෙන ඇත.
කෙසේ වෙතත් මෙම වෙඩි තැබීම හේතුවෙන් බංග්ලාදේශය හා නවසීලන්තය අතර පැවැත්වෙන ටෙස්ට් තරගය අත්හැර දැමීමට කණ්ඩායම් දෙකම තීරණය කර තිබේ.