නව මහාධිකරණ විනිසුරුවරුන් දොළොස් දෙනකුට ජනාධිපති ගෝඨාභය රාජපක්ෂ මහතා අතින් පත්වීම් ලිපි ප‍්‍රදානය කර තිබෙනවා.
ඒ, අද පෙරවරුවේ ජනාධිපති කාර්යාලයේදීයි. ඒ අනුව ප‍්‍රධාන මහේස්ත‍්‍රාත් තනතුරේ කටයුතු කළ කේ. එස්. එල්. ජයරත්න, මහේස්ත‍්‍රාත් තනතුරේ කටයුතු කළ ආර්. එස්. ඒ. දිසානායක සහ ඞී. ඒ. ආර්. පතිරණ ද මහාධිකරණ විනිසුරුවරුන් ලෙස අද සිය පත්වීම් ලිපි ලබාගත්තා.
දිසා විනිසුරුවරුන් ලෙස කටයුතු කළ ඩබ්ලිව්. ඒ. පෙරේරා, සී. මීගොඩ, ඒ. අයි. කේ. රණවීර, ඩබ්ලිව්. එම්. එම්. තල්ගොඩපිටිය, ඞී. ඩබ්ලිව්. ඩබ්ලිව්. එම්. ආර්. සී. පී. කුමාරි දෑල සහ එච්. එස්. පොන්නම්පෙරුම ද මහාධිකරණ විනිසුරුවරුන් ලෙස පත්වීම් ලබාගත් 12 දෙනා අතරට ඇතුළත්.
අතිරේක දිසා විනිසුරු තනතුරේ කටයුතු කළ එස්. අයි. කාලිංගවන්ස, රජයේ ජ්‍යෙෂ්ඨ අධිනීතිඥවරුන් වන එන් ටී වික‍්‍රමසේකර සහ ඒ. ජී. යූ. එස්. එන්. කේ. සෙනෙවිරත්න ද මහාධිකරණ විනිසුරුවරුන් ලෙස අද සිය පත්වීම් ලිපි ලබාගත් බවයි ජනාධිපති මාධ්‍ය අංශය වැඩිදුරටත් සඳහන් කළේ.