වැටුප් විෂමතා ඉවත් කරන තුරු අන්තර්කාලීන දීමනාවක් ඉල්ලා සිටිමින් තිබියදී දීමනාවක් ලබාදී තවතවත් වැටුප් ගැටළු ඇති කිරීමට ආණ්ඩුව කටයුතු කරමින් සිටින බව රජයේ වෛද්‍ය නිලධාරීන්ගේ සංගමය සඳහන් කරයි.
දීමනා ලැබිය යුතු පුද්ගලයින්ට දීමනා ලබාදිය යුතු බවත්, එහෙත් ප්‍රශ්නය තිබෙන්නේ වැටුප් විෂමතාවයක් බවත්, එය විසඳීමට කටයුතු නොකර දීමනාවක් ලබාදීම අල්ලසක් බවට පත්වන බවද එම සංගමයේ සහකාර ලේකම් වෛද්‍යඨ නවින්ද සොයිසා මහතා අද (02දා) දින පැවැති මාධ්‍ය සාකච්ඡාවකදී සඳහන් කළේය.
මේ නිසා ගැටළුව විසඳා ගැනීමට ඉදිරියේදී වෘත්තීය සමිති ක්‍රියාමාර්ගවලින් පිළිතුරු ලබාදෙන බවත්, ඒ පිළිබඳව තීරණයක් ගැනීමට හෙට (03දා) දින සංගමයේ විධායක සභාව රැස්වන බවද කියා සිටියේය.