කල් ඉකුත් වූ රසායනික ද්‍රව්‍ය භාවිතා කරමින් දෑත් පිරිසිදු කිරිමේ දියර නිෂ්පාදනය කළ තලංගම ප්‍රදේශයේ ස්ථානයක් වටලා පුද්ගලයෙකු අත්අඩංගුවට ගෙන තිබේ.
බස්නාහිර පළාත් බුද්ධි කොට්ඨාසයට ලද තොරතුරකට අනුව පාරිභෝගික අධිකාරියේ නිලධාරින් එක්ව මෙම වැටලීම සිදු කර ඇති බව වාර්තා වෙයි.
මෙහිදී ලක්ෂ 50කට අධික වටිනාකමකින් යුත් රසායනික ද්‍රව්‍ය සොයාගෙන ඇත.
එහිදී මිලිලීටර් 500 බෝතල් 1422ක්, ලීටරයේ බෝතල් 140ක්, රසායනික ද්‍රව්‍ය භාවිතා කරමින් සාදන ලද අත්සෝදන දියර ලීටර 04 බැගින් වූ ගැලුම් 17ක් සොයාගෙන ඇති බව පොලීසිය සඳහන් කරයි.