කොටවෙහෙර අවුරුදු 13ක දැරියකට පහරදීමේ සිදුවීමට අදාළ පැමිණිල්ල භාර නොගත් නිකවැරටිය මූලස්ථාන පොලීසියට හා කොටවෙහෙර පොලිස් ස්ථානයට අනියුක්ත කාන්තා උප පොලිස් පරීක්ෂකවරියන් දෙදෙනෙකුගේ සේවය අත්හිටුවීමට පොලිස් මූලස්ථානය කටයුතු කර තිබේ.
අදාළ දැරියගේ මව හා මිත්තනිය දැරියට පහරදෙන අයුුරු ඇති වීඩියෝවක්ද රැගෙන පැමිණිල්ල ඉදිරිපත් කිරිමට පැමිණියත් එම පැමිණිල්ල භාර ගෙන නොමැති බව පොලීසිය පවසයි.
ඊයේ (05දා) සිට බලපැවැත්වෙන පරිදි මෙසේ වැඩ තහනම් කර තිබේ.