Colombo Today Local News

දරුවන් බේරා ගන්න ගිය පොලිස්‌ නිලධාරියා සැඩ පහරට බිලි

මාදම්පේ ගල්මුරුව ප්‍රදේශයේ දියේ ගිලෙමින් සිටි කුඩා දරුවන් ඇතුළු පිරිසක්‌ බේරා ගැනීමට උත්සාහ කළ මාදම්පේ පොලිසියේ නිලධාරියකු සැඩ පහරට හසුව ගසාගෙන ගොස්‌ මරුමුවට පත් වී ඇත. ඊයේ (25 වැනිදා) පෙරවරු 11.00 ට පමණ සිදුවූ මෙම අනතුරින් මියගොස්‌ ඇත්තේ මාදම්පේ පොලිසියට අනුයුක්‌තව සිටි 29 හැවිරිදි ඒ. සම්පත් නමැති පොලිස්‌ කොස්‌තාපල්වරයෙකි.

මියගිය පොලිස්‌ නිලධාරියා ගිරිඋල්ල ප්‍රදේශයේ පදිංචි අවිවාහකයකි.

බිංගිරිය ප්‍රදේශයේ වැවක පස්‌ බැම්ම බිඳී යැමෙන් පසු මාදම්පේ ගල්මුරුව ප්‍රදේශය ජලයෙන් යටවී ඇත. ගල්මුරුව ගල්වළ පාර ප්‍රදේශයේ නිවසක කුඩා දරුවන් ඇතුළු පිරිසක්‌ කොටුවී සිටින බවට ලැබුණු තොරතුරු මත පොලිස්‌ නිලධාරීන් පිරිසක්‌ එහි ගොස්‌ තිබේ.

මේ අවස්‌ථාවේ පොලිස්‌ කොස්‌තාපල් සම්පත් මහතා ජලයේ කොටු වී සිටින දරුවන් ඇතුළු පිරිස බේරා ගැනීමට උත්සාහ කිරීමේදී ඔහු ජල පහරට හසු වී ගහගෙන ගොස්‌ ඇත.

පොලිස්‌ නිලධාරියා බේරා ගැනීමට මාදම්පේ පොලිසියේ නිලධාරීන් සහ ප්‍රදේශවාසීන් උත්සාහ කළද එය ව්‍යර්ථ විය.

පොලිසිය, නාවික හමුදාව සහ යුද හමුදාව පැය කීපයක්‌ තිස්‌සේ කළ මෙහෙයුමකින් පසු පොලිස්‌ නිලධාරියාගේ සිරුර සොයා ගැනීමට හැකි විය.

හලාවත ජ්‍යෙෂ්ඨ පොලිස්‌ අධිකාරි කුමාරපේලි මහතාගේ මෙහෙයවීමෙන් පරීක්‌ෂණ පැවැත්වෙයි.

Related posts

‘ආවා’ කල්ලියෙන් පෙට්‍රල් බෝම්බ ප්‍රහාරයක්! නිවාස සහ වාහනවලට හානි!

colombotoday

අවුරුදු සමයේ බීමත් රියැදුරන් 1834ක් අත්අඩංගුවට

colombotoday

බෝනස් කපලා… ජල මණ්ඩලය හෙට සිට අඛණ්ඩව වැඩ වර්ජනයේ

colombotoday

වනාතවිල්ලුවේ දැවැන්ත වන සංහාරය

colombotoday

යාපනය විශ්ව විද්‍යාලයේ සිංහල සංගමය ලියාපදිංචියට බලධාරීන් ඉඩ දෙන්නෑ – සිංහල ශිෂ්‍යයෝ කියති

colombotoday

පොකුණකට වැටී 03 හැවිරිදි දරුවෙකු ජිවිතක්ෂයට

colombotoday