බස්නාහිර පළාත් සභාවේ මන්ත්‍රීවරුන්ට ලබා දෙන ආහාර ප්‍රමිතියෙන් තොර බවට මන්ත්‍රීවරුන්ගෙන් මැසිවිලි නැගෙමින් තිබේ. බස්නාහිර පළාත් සභාවේ සන්ධාන මන්ත්‍රී ප්‍රසන්න සංජීව මහතා ඊයේ පැවති පළාත් සභා රැස්වීමේ දී කෝපි වීදුරුවක් ගෙනැවිත් ප්‍රදර්ශනය කරමින් පැවසූවේ කෝපි වීදුරුවේ කෝපි නැති බවත්, ජලයට යම් වර්ණක් මිශ්‍ර කර ලබා දි තිබෙන බවත්ය. ලබා දෙන ආහාර වල කිසිදු රසයක් නොමැති බවත් කලක පටන් මේ ආකාරයට ප්‍රමිතියෙන් තොර ආහාර ලබා දෙන බවත් මන්ත්‍රීවරයා පැවසීය.
මෙහදී අදහස් දැක්වූ පාළාත් සභා මන්ත්‍රී උපාලි කොඩිකාර මහතා සදහන් කළේ මන්ත්‍රීවරුන්ට ලබා දෙන තෝර මාළ වෙනදා මෙන් රස නැති බවයි. එසේම හැපීමට අපහසු පරිසි සකස් කළ තෝර මාළු ලබාදෙන බව කී මන්ත්‍රීවරයා ඒවා කළුගල් වැනි යැයි පවසා සිටියේ ය.