Colombo Today Local News

තුවක්කු බට කඳන් 13ක් හා බෙහෙත් කොටන තුවක්කුවක් සමග එක් සැකකරුවෙකු අත්අඩංගුවට

කහල්ල පල්ලෙකැලේ අභයභූමි රක්ෂිතයට යාබදව පිහිටි පලාගල, අඹගස්වැව ප්‍රදේශයේ ඊයේ (26)දින වනජීවී නිලධාරීන් විසින් සිදුකළ සෝදිසි මෙහයුමකදී වන සතුන් දඩයම් කිරීම සඳහා බඳින ලද තුවක්කු බට කඳන් 13ක්, බෙහෙත් කොටන තුවක්කුවක් හා එක් සැකකරුවෙකු ගල්කිරියාගම වනජීවී නිලධරීන් විසින් අත්අඩංගුවට ගෙන තිබේ.

අඹගස්වැව ප්‍රදේශයේ පිහිටි ගොවි බිම්වලට වන අලින් පැමි‍ණේන ස්ථාන කේන්ද්‍රකර ගනිමින් මෙම බඳින තුවක්කු හමු වී ඇති බව ගල්කිරියාගම වන සත්ව අඩවි ආරක්ෂක ඩි. රාමසිංහ මහතා පැවසීය.

වන අලින් කීපදෙනෙකු මෑත කාලයේ වෙඩි වැඳීම් වලින් තුවාල ලැබීම හේතුවෙන් මෙම වැටලීම සිදුකර ඇත.

බෙහෙත් කොටන තුවක්කුව සොයා ගෙන ඇත්තේ එම් ප්‍රදේශයේ දඩයක්කරුවෙකු බවට සැකකෙරෙන පුදගලයෙකුගේ ගෙවත්තේ සඟවා තිබියදීය.

බඳින ලද තුවක්කු බට සවිකළ පුද්ගලයින් සොයා පරීක්ෂණ ආරම්භ කර තිබේ.

අත්අඩංගුවට ගත් සැකකරු කැකිරාව මහේස්ත්‍රාත් අධිකරණයට ඉදිරිපත් කිරීමට නියමිතයි.

ගල්කිරියාගම වනජීවී කාර්යාලයේ වන සත්ව අඩවි ආරක්ෂක ඩි.රාමසිංහ මහතාගේ අධික්ෂණයෙන් වන සත්ව ආරක්ෂක සෂින්ද්‍ර විජේරත්න,එස්.එස්.රත්නායක,සිවිල් ආරක්ෂක ලලිත් ඒකනායක,සම්පත් වීරසුරිය,ආනන්ද බණ්ඩාර යන මහතුන් වැටලීමට එක්ව සිටියහ.

Related posts

5,000සේ ව්‍යාජ මුදල් නෝට්ටු 100ක් සමග දෙදෙනෙක් අල්ලයි

colombotoday

හැට්ටකටු ගිල රෝහල් ගත කර ඉද්දී පැන ගිය සැකකරු අල්ලයි

Admin

සපුගස්කන්ද තෙල් පිරිපහදුවේ වැඩ තව දින 6කින් අරඹයි

colombotoday

විගණකාධිපති වාර්තාව ගැන සැකයි.. දේශපාලන හස්ථයක් පිටුපසින්.. නැතිනම් වාර්තාව මීට වෙනස්

colombotoday

රනිල්ගෙන් පොහොට්ටුවන්ට කුණු බැනුම්

Admin

දෙසැම්බරයේ අයි.ඩී.එච්. රෝහලේදී කොරෝනා ආසාදිත මවුවරු දරුවන් 40ක් බිහිකරලා

colombotoday