ත්‍රස්තවාදීන්ට සහ කුඩු කාරයින්ට විරුද්ධව මරණ දඬුවම ක්‍රියාත්මක කළ යුතු බව විපක්ෂ නායක සජිත් ප්‍රේමදාස මහතා අද(22)දින පාර්ලිමේන්තුවේදී සඳහන් කර සිටියා.
මෙහිදී අධිකරණ අමාත්‍ය අලි සබ්‍රි ප්‍රශ්න කර සිටියේ එය විපක්ෂ නායකවරයාගේ පුද්ගලික අදහස ද එසේත් නොමැතිනම් සමගි ජන බලවේගය අදහස ද යන්නයි.
මෙහිදී පිළිතුරු ලබාදෙමින් විපක්ෂ නායක සජිත් ප්‍රේමදාස ප්‍රකාශ කර සිටියේ තමාට පුද්ගලික අදහස් නොමැති බවයි.
නැවතත් අලි සබ්‍රි සඳහන් කර සිටියේ විපක්ෂයේ මන්ත්‍රීවරු මරණ දඬුවමට විරුද්ධව ශ්‍රේෂ්ඨාධිකරණයට ගොස් ඇති බැවින් මෙය පක්ෂයේ අදහස ද යන්න පැහැදිලිව ප්‍රකාශ කරන ලෙසටයි.
එම අවස්ථාවේදී අධිකරණ අමාත්‍ය අලි සබ්‍රි ත්‍රස්තවාදීන්ට මරණ දඬුවම ලබා දෙනවට විරුද්ධද? කුඩු කාරයින්ට විරුද්ධව මරණ දඬුවම දෙනවට විරුද්ධද? යැයි පෙරළා ප්‍රශ්න කර සිටියා…