කොළඹ නුවර ප‍්‍රධාන මාර්ගයේ ගම්පහ බැලූ‍ම්මහර ප‍්‍රදේශයේදී මාර්ගයේ ගමන් ගත් ගිලන් රථ රියැදුරකුට පහර දී තුවාල සිදු කළ අත්තනගල්ල මහජන සෞඛ්‍ය පරීකෂකවරයකු සහ තවත් සැකකරුවකු ලබන 26 වැනිදා දක්වා රක්ෂිත බන්ධනාගාර ගත කරන ලෙසට ගම්පහ වැඩ බලන මහෙස්ත‍්‍රාත් මහෙෂ් හේරත් මහතා ඊයේ (24) සවස නියෝග කළේය.
අත්තනගල්ල සෞඛ්‍ය අධිකාරී කාර්යාලයට අයත් මහජන සෞඛ්‍ය පරීක්ෂකවරයකු වූ අමිල ප‍්‍රදීප් කුමාර සහ ඔහු සමග සිටි සුපුන් තරිඳු නමැත්තා මෙසේ රක්ෂිත බන්ධනාගාර ගත කරනු ලැබූහ.
පෙරේදා (23 දා) රාත‍්‍රී මහජන සෞඛ්‍ය පරීක්ෂකවරයා ගමන් ගත් මෝටර් රථයට ඉදිරියට යෑමට ගිලන් රථය ඉඩ නොදීම සම්බන්ධයෙන් ඇති වූ ආරවුලකදී එම පහර දීම සිදු වී ඇති බව යක්කල පොලිසිය අධිකරණයට කරුණු වාර්තා කළ අතර රිමාන්ඞ් භාරයට පත් සැකකරුවන් දෙදෙනා සම්බන්ධයෙන් 26 වැනිදාට ගම්පහ මහෙස්ත‍්‍රාත් අධිකරණයේදී හඳුනා ගැනීමේ පෙරට්ටුවක් පැවැත්වීමට නියම කරන ලදී.