වයස අවුරුදු දෙකට අඩු ළමුන් හට මුහුණු ආවරණ පැලදීම යෝග්‍ය නොවන බවත් යම් හෙයකින් ඔවුන්ට එම ආවරණ පැලදවීම මගින් හුස්ම ගැනීමේ අසිරූතාවයන් ඇති වන බවට ජපාන විද්‍යාඥයින් අනතුරු අඟවා සිටියි.
ජපානයේ ළමා වෛද්‍යවරුන් ගේ සංගමය දෙමව්පියන්ට දැනුම් දී සිටින්නේ වයස අවුරුදු දෙකට අඩු ළමුන් හට මුහුණු ආවරණ පැලදවීම සිදුනොකරන ලෙසයි. කොරෝනා වෛරසයේ ව්‍යාප්තිය හමුවේ ජපාන රජය විසින් එරට සෑම පුරවැසියෙකුටම මුහුණු ආවරණ පැලදීම අනිවාර්ය කොට තිබේ.
මුහුණු ආවරණ පැලදීම මගින් දරුවන් හුස්ම ගැනීමේදී ඔවුන්ගේ පෙනහළු මත වැඩි තෙරපුමක් ඇතිවන අතර හුස්ම ගැනීමේදී ඇතිවන අපහසුතා ගැන එම දරුවන්ගේ මුහුණෙන් පෙන්නුම් කළද මුහුණු ආවරණ යොදා තිබීම හේතුවෙන් දෙමාපියන්ට එය පහසුවෙන් හඳුනා ගැනීමට නොහැකි වන බවයි වෛද්‍යවරුන් අනතුරු අගවාසිටින්නේ.
මේ හේතුවෙන් වයස අවුරුදු දෙකට අඩු ළමුන් සඳහා මුහුණු ආවරණ පැලදවීම අවධානම් බවයි වෛද්‍යවරුන් පවසන්නේ.