භාරතීය ජනතා පක්ෂයේ කාශ්මීර දිස්ත්‍රික් සභාපති ෂීක් වසීම් බාරි ඉලක්ක කර එල්ලවූ ත්‍රස්ත ප්‍රහාරයකින් ෂීක් වසීම් බාරි සහ ඔහුගේ පියා, සහෝදරයා ඝාතනයට ලක්වී ඇත.
පොලිසිය පැවසුවේ සවස් වරුවේ මුස්ලිම්බාද් බන්දිපෝර් හි පිහිටි ඔහුගේ වෙළඳසැලේදී ෂීක් වසීම් බාරිට සටන්කාමීන් පහර දුන් බවයි. ප්‍රහාරයෙන් බාරිගේ පියා බෂීර් අහමඩ් සහ බාල සොහොයුරු උමාර් ද තුවාල ලැබූහ. තිදෙනාම දිස්ත්‍රික් රෝහල වෙත ගෙන ගිය අතර එහිදී ඔවුන් මියගිය බව ප්‍රකාශ විය.
ප්‍රහාරයෙන් ඉක්බිතිව ත්‍රස්තවාදීන් සොයා ගැනීම සඳහා පොලිසිය සහ හමුදාව ප්‍රදේශයේ සෝදිසි මෙහෙයුමක් දියත් කළහ.
මෙම ප්‍රහාරය ඉස්ලාම් ත්‍රස්ත කණ්ඩායමක් විසින් එල්ලකරන්නට ඇති බවට සැක පල කරයි.