2016 වසරේ සිට පාසල් සිසුන්ට රජයෙන් නොමිළේ ලබා දෙන නිල ඇදුම අත්හිටුවීමට අධ්‍යාපන අමාත්‍යාංශය තීරණය කර ඇතැයි වාර්තා වේ. ඒ වෙනුවට නිල ඇදුම් මිළදී ගැනීම සදහා වවුචර ක්‍රමයක් හදුන්වාදීමට අධ්‍යාපන ඇමතිවරයා තීරණය කර ඇත. පාසල් නිල ඇඳුම් ලබාදීමේදී එම රෙදි වල ප්‍රමිතිය සම්බන්ධයෙන් මතුව ඇති ගැටලු සලකා බලා මෙම තීරණය ගෙන ඇති අතර ප්‍රමිතියෙන් යුත් රෙදි මිලදී ගෙන ඇතැම් විට එම මුදලින්ම නිල ඇඳුම මසා ගැනීමට හැකිවන පරිදි මෙම වවුචරය ලබාදීමට අධ්‍යාපන අමාත්‍යංශයේ අවධානය යොමුව ඇතැයි සඳහන්ය.