එළඹෙන පළාත් සභා මැතිවරණයට ශ්‍රී ලංකා පොදුජන පෙරමුණ යටතේ නෙළුම් පොහොට්ටුව ලකුණින් තරඟ කිරීමට එක්සත් ජනතා නිදහස් සංධානයේ පළාත් සභා මන්ත්‍රී සංසදය ඊයේ (28) ඒකමතිකව තීරණය කර ඇත.
එක්සත් ජනතා නිදහස් සංධාන පළාත් සභා මන්ත්‍රී සංසදයේ සාමාජිකයන් හා හිටපු අමාත්‍ය බැසිල් රාජපක්ස මහතා අතර බත්තරමුල්ල, නෙළුම් මාවතේ පිහිටි ශ්‍රී ලංකා පොදුජන පෙරමුණු කාර්යලයේ දී ඊයේ (28) විශේෂ රැස්වීමේදී මෙම තීරණය ගත් බව එම පෙරමුණේ මාධ්‍ය ප්‍රකාශක සංජීව එදිරිමාන්න මහතා පැවැසීය.
එළබෙන පළාත් සභා මැතිවරණයට ශ්‍රී ලංකා පොදුජන පෙරමුණේ පොහොට්ටුව ලකුණ යටතේ තම සංසදය තරඟ කළ යුතු බවට බස්නාහිර පළාත් සභා මන්ත්‍රී සහන් ප්‍රදීප් මහතා යෝජනාවක් ඉදිරිපත් කළ අතර රැස්වීමට සහභාගීවූ සියලූම පළාත් සභා මන්ත්‍රීවරුන් අත් ඔසවා එම යෝජනාවට කැමැත්ත පළකර ඇත.