පාස්කු ප‍්‍රහාරයෙන් පසුව ඇති වූ තත්ත්වය නිසා ඇමැති ධුරවලින් ඉල්ලා අස්වූ සියලූම මුස්ලිම් ඇමැතිවරුන්ට යළිත් අදාළ අමාත්‍ය ධුර ලබා දෙන ලෙස අග‍්‍රාමාත්‍යවරයා විසින් ජනාධිපතිවරයාගෙන් ඉල්ලීමක් කර ඇත.
අග‍්‍රාමාත්‍ය රනිල් වික‍්‍රමසිංහ මහතා කළ ඉල්ලීම ජනාධිපති මෛති‍්‍රපාල සිරිසේන මහතා වෙත අග‍්‍රාමාත්‍ය ලේකම් සමන් ඒකනායක මහතා විසින් පෙරේදා (23දා) ලිපියක් මගින් යොමු කර ඇතැයි රජයේ ජ්‍යෙෂ්ඨ ප‍්‍රකාශකයෙක් පැවසීය.
මීට අමතරව රාජ්‍ය පරිපාලන හා ආපදා කළමනාකරණ ඇමැති රංජිත් මද්දුම බණ්ඩාර මහතාට පශු සම්පත් විෂය පවරන ලෙස ද එමගින් ඉල්ලා ඇතැයි ද හෙතෙම කීවේය.
ඒ අනුව ඉල්ලා අස්වූ සියලූ මුස්ලිම් කැබිනට්, රාජ්‍ය හා නියෝජ්‍ය ඇමැතිවරුන් මීට පෙර දරන ලද අමාත්‍ය ධුරවල ඉතා ඉක්මනින් යළි දිවුරුම් දෙනු ඇතැයි ද එම ප‍්‍රකාශකයා වැඩිදුරටත් සඳහන් කළේය.