කැබිනට් මණ්ඩලයේ ඉහළ පවතින හැල හැප්පීම් මතභේද හා පරස්පරයන් මෙන්ම මහබැංකු අධිපති හා මුදල් ඇමති අතර ඇති හැප්පීම් නිසා ආයෝජකයින් මේ රට අතහරින ස්වභාවයක් ඇතැයි ලංකා සම සමාජ පක්ෂයේ ප්‍රධාන ලේකම් මහාචාර්ය තිස්ස විතාරණ මහතා කියයි.
ඉකුත් වසර තුළ රටට පැමිණ ඇත්තේ ඩොලර් මිලියන 300 ක ආයෝජන පමණක් වන බවත් මෙරට ස්ථාපිත කර තිබු ඩොලර් මිලියන 2000 කට අධික වටිනාකමක් ඇති විදේශ ආයෝජන රට හැර ගොස් ඇති බවත් ඒ මහතා ප්‍රකාශ කරයි.
මේ වන විට ප්‍රධාන පෙළේ බැංකු සියල්ල අස්ථාවර තත්ත්වයක පවතින බව ෆිච් රේටින් සංවිධානය සඳහන් කර ඇතැයි ඒ මහතා පවසයි. ඒ මහතා මේ බව පැවසුවේ පක්ෂ මුළස්ථානයේ දී ඊයේ (02) පැවැති මාධ්‍ය හමුවක් අමතමිනි.