අයිස් මත්ද්‍රව්‍ය ජාවාරම සම්බන්ධයෙන් සුරාබදු දෙපාර්තමේන්තුවේ තවත් නිලධාරියෙකු අත්අඩංගුවට ගෙන තිබේ.
සිද්ධිය සම්බන්ධයෙන් සුරාබදු නියාමකවරයෙකු ඇතුළු පුද්ගලයින් 08 දෙනෙකු පසුගිය 23 වන දා පුත්තලම කොට්ඨාස දූෂණ මර්දන ඒකකයේ නිලධාරීන් අත්අඩංගුවට ගත් බව පොලීසිය පවසයි.
එම අත්අඩංගුවට ගත් සුරාබදු නිලධාරියා අධිකරණයට ඉදිරිපත් කිරීමෙන් පසු රැඳවුම් නියෝග මත තවදුරටත් ප්‍රශ්නකිරීම් සිදුකරන බව ද පොලීසිය සඳහන් කරයි.
ඒ අනුව ඔවුන්ගෙන් සිදුකළ ප්‍රශ්න කිරීම්වලදී මත්ද්‍රව්‍ය ජාවාරමට සම්බන්ධ සුරාබදු පරික්ෂකවරයෙකු ඊයේ (24)දින පුත්තලම පොලීසිය විසින් අත්අඩංගුවට ගෙන තිබේ.
අත්අඩංගුවට ගත් සැකකරු අද (25)දින පුත්තලම මහේස්ත්‍රාත් අධිකරණයට ඉදිරිපත් කිරීමට නියමිතය.