වසර 15කට පසු ජාත්‍යන්තර මට්ටමේ පාපන්දු තරගාවලියක අවසන් මහා තරගයකට සුදුසුකම් ලබා ගැනීමට ශ්‍රී ලංකා කණ්ඩායම සමත් වී තිබේ.
ඒ අග්‍රාමාත්‍ය මහින්ද රාජපක්ෂ කුසලාන සිව්කොන් පාපන්දු තරගාවලියේ බංග්ලාදේශය සමග ඊයේ (16) පැවති තරගය ජයගැනීමත් සමගය.
ශ්‍රී ලංකාව එම තරගය ගෝල 2ට 1ක් ලෙස ජයගත් අතර ඒ අනුව ශ්‍රී ලංකාව සීෂෙල්ස් කණ්ඩායම සමඟ ලබන 19 වැනිදා අවසන් මහා තරගයට පිවිසෙනු ඇත.
ශ්‍රී ලංකා කණ්ඩායම 2006 වසරේ පැවති දකුණු ආසියානු තරගාවලියෙන් පසු ජාත්‍යන්තර තරගාවලියක අවසන් තරගයට සුදුසුකම් ලබාගත් ප්‍රථම අවස්ථාව ද මෙය වෙයි.