අන්තර් විශ්වවිද්‍යාල ශිෂ්‍ය බල මණ්ඩලය සහ නිදහස් අධ්‍යාපනය උදෙසා සිසු ජන ව්‍යාපාරය ඊයෙ(3) සංවිධානය කළ විරෝධතාවයේදී මහජන සාමය සහ ආරක්ෂාව උදෙසා කටයුතු කළ මහරගම පොලිස් ස්ථානාධිපති ප්‍රධාන පොලිස් පරීක්ෂක එච්. එච්. ජනකාන්ත මහතාගේ ඇඟිලි දෙකක් අහිමි වී රෝහල් ගත කරන ලදී.
තම රාජකාරිය නිසි පරිදි ඉටු කිරීමට ගොස් අනතුරට පත්වූ එම නිලධාරියාගේ සුවදුක් විමසා බැලීම සඳහා මහජන ආරක්ෂක අමාත්‍ය රියර් අද්මිරාල් ආචාර්ය සරත් වීරසේකර මහතා ඔහු ප්‍රතිකාර ලබන රෝහලට අද (4) දින පැමිණෙන ලදි.
මෙහිදී රාජකාරි නිසි පරිදි ඉටු කිරීම පිළිබඳව අමාත්‍යවරයා විසින් පොලිස් ස්ථානාධිපතිවරයාට ප්‍රශංසා කළ අතර ඔහුට වූ අනතුර පිළිබඳව ශෝකය සහ ඒ වෙනුවෙන් අවශ්‍ය කටයුතු සිදුකිරීමට සියලු පියවර ගන්නා බව ද පැවසීය.